15+տարվա իրավաբանական փորձ
Ավելի քան 15 տարվա մասնագիտական փորձ՝ բիզնես խորհրդատվության, կորպորատիվ իրավունքի և դատական ներկայացուցչության ոլորտներում։
Իրավական վստահություն՝ կայուն բիզնեսի համար
LEGASAFE Consulting-ը իրավաբանական խորհրդատվություն է տրամադրում Հայաստանի Հանրապետությունում գործող ընկերություններին, ներդրողներին, կազմակերպություններին, ձեռնարկատերերին և ֆիզիկական անձանց։
Մենք օգնում ենք հաճախորդներին կառավարել իրավական ռիսկերը, պլանավորել գործարքների կնքումը, պահպանել օրենսդրության պահանջները, պաշտպանել իրենց իրավունքներն ու ակտիվները, ինչպես նաև լուծել ծագած վեճերը։
150+բիզնես հաճախորդներ
Գործնական և բիզնես կարիքներին միտված իրավական աջակցություն՝ ավելի քան 150 տարբեր ոլորտները ներկայացնող հաճախորդներին:
20+միջազգային հաճախորդներ
Իրավական աջակցություն Եվրոպայում և ԱՄՆ-ում գործող ընկերություններին՝ Հայաստանի իրավական միջավայրում կողմնորոշվելու և արդյունավետ գործունեություն ծավալելու նպատակով։
Ավելի քան 20 միլիոն ԱՄՆ դոլարԱկտիվների բռնագանձում և վերականգնում դատական գործընթացների միջոցով
Հաջողությամբ ավարտված դատական գործերի արդյունքում հաճախորդների օգտին բռնագանձվել են դրամական միջոցներ կամ պաշտպանվել գույքային իրավունքներ՝ ընդհանուր առմամբ ավելի քան 20 մլն ԱՄՆ դոլարի չափով։
Մեր մասնագիտացումը ◇
Մեր ծառայությունները
Իրավաբանական աջակցություն Հայաստանում՝ բիզնեսի ընթացիկ կարիքների, խոշոր գործարքների, իրավական կարգավորման հարցերի և վեճերի լուծման ոլորտներում:
Մեր ձեռքբերումները ◇
Մեր ձեռքբերումները
Պետական աջակցություն600 մլն ՀՀ դրամը գերազանցող ծրագրեր՝ պետական աջակցության շրջանակումՄանրամասն
Մենք խորհրդատվություն ենք տրամադրել ընկերություններին պետական աջակցության և ներդրումային ծրագրերի շրջանակում՝ ներառյալ դրամաշնորհային ծրագրերը, փոքր և միջին ձեռնարկատիրության աջակցությունը, բարձր տեխնոլոգիաների զարգացումը, ջերմոցային տնտեսությունը, արտահանման խթանումը և բարձր որակավորում ունեցող մասնագետների ներգրավումը։ Հաճախորդների և պետական մարմինների հետ համագործակցության արդյունքում աջակցել ենք ավելի քան 600 միլիոն ՀՀ դրամ ընդհանուր բյուջե ունեցող նախագծերի իրականացմանը՝ ձեռք բերելով գործնական փորձ ծրագրերի պահանջների կիրառման և կարգավորող խնդիրների լուծման հարցերում։
Լիցենզիաներ և թույլտվություններԲարդ թույլտվությունների գործընթացներից՝ դեպի բիզնեսի հնարավորություններՄանրամասն
Մենք աջակցել ենք հաճախորդներին տարբեր ոլորտներում լիցենզիաներ, թույլտվություններ և իրավասու մարմինների համաձայնություններ ստանալու հարցերում՝ ներառյալ դեղատնային գործունեությունը, բացօթյա հանրային սնունդը, գովազդը, կայանատեղիների շահագործումը և մշակութային նշանակություն ունեցող շենքերի նորոգումն ու վերականգնումը։ Այս հանձնարարությունները պահանջել են ընթացակարգերի մանրակրկիտ իմացություն, պետական մարմինների հետ արդյունավետ հաղորդակցություն և օրենսդրության ու վարչական պրակտիկայի զարգացումների հաշվառմամբ հնարավոր խոչընդոտների կանխատեսում։
Արվեստին առնչվող դատական վեճերԵրբ արվեստը հայտնվում է դատարանում․ բարդ վեճի լուծում և դատական պրակտիկաՄանրամասն
Մեր իրավաբանները հաջողությամբ վիճարկել են հայ անվանի նկարիչ Մինաս Ավետիսյանին վերագրված նկարի վերաբերյալ գործարքը։ Գործը կապված էր ապացուցման բարդ հարցերի հետ՝ պայմանավորված արվեստին առնչվող վեճերի առանձնահատկություններով, համապատասխան մասնագիտական գիտելիքների և փորձագիտական հետազոտությունների սահմանափակ հասանելիությամբ։ Դատավարությունը նաև նպաստել է նման գործերով ապացուցման բեռի բաշխման վերաբերյալ դատական պրակտիկայի ձևավորմանը՝ արտացոլելով ոչ սովորական առարկայով և բարդ իրավական խնդիրներով վեճերի վարման մեր փորձը։
Առևտրային վեճերՄիլիոնավոր եվրոների վեճերից մինչև գործնական բիզնես լուծումներՄանրամասն
Մեր փորձը ներառում է բարդ առևտրային վեճերի լուծում՝ իրավական վերլուծության, ռազմավարական բանակցությունների և դատական ներկայացուցչության միջոցով։ Մեր վարած գործերի թվում են մի քանի միլիոն եվրո արժողությամբ անորակ սննդամթերքի մատակարարման, մի քանի հեկտար հողատարածքների ապօրինի օգտագործման, ինչպես նաև երկար տարիներ փակ մնացած և անբավարար վիճակում հայտնված շենքի վերականգնման հետ կապված վեճերը։ Այս գործերով աշխատանքը ամրապնդել է մեր փորձը գործարար նշանակություն ունեցող վեճերի լուծման ոլորտում՝ հաշվի առնելով ինչպես հաճախորդների իրավական դիրքորոշումը, այնպես էլ նրանց գործարար շահերի ավելի լայն շրջանակը։
ՊայմանագրերՊայմանագրեր, որոնք պաշտպանում են բիզնեսը իրական վեճերի ժամանակՄանրամասն
Մենք կազմել և համաձայնեցրել ենք բիզնեսի տարբեր ուղղություններին վերաբերող պայմանագրեր՝ աշխատանքային հարաբերությունների, առուվաճառքի, մատակարարման, ծառայությունների, հումքի և պատրաստի արտադրանքի, ներդրումների ու վարձակալության ոլորտներում։ Մեր փորձը ցույց է տվել, որ անհրաժեշտ է ոչ միայն պահպանել օրենսդրական ձևական պահանջները, այլև սկզբից հաշվի առնել առևտրային իրողությունները, օրենսդրական զարգացումները և դատական մեկնաբանությունները։ Հետագայում դատարաններում քննված վեճերում մեր թիմի մշակած պայմանագրային դրույթները նշանակալի դեր են ունեցել հաճախորդների համար բարենպաստ արդյունքների հասնելու հարցում։
Անդրսահմանային իրավական խորհրդատվությունՄիջազգային բիզնես գործելակերպի հարմարեցումը Հայաստանի իրավական միջավայրինՄանրամասն
Մենք օգնել ենք ընկերություններին ներքին կառավարման և աշխատանքային գործելակերպը հարմարեցնել Հայաստանի իրավական միջավայրին, հատկապես երբ օտարերկրյա մասնակիցները կամ բաժնետերերը, ներդրողները կամ նվիրատուները ցանկանում էին կիրառել այլ իրավազորություններում մշակված չափանիշներ։ Օրենսդրական բացերի, անորոշությունների կամ սահմանափակումների պայմաններում մշակել ենք անհատական իրավական լուծումներ՝ ներքին քաղաքականությունների, կանոնակարգերի, կորպորատիվ որոշումների և այլ համապատասխան իրավական գործիքների միջոցով։ Այս փորձը թույլ է տալիս հանգուցալուծել այն իրավիճակները, երբ կայացած միջազգային գործելակերպը պահանջում է տեղական պահանջներին մանրակրկիտ իրավական հարմարեցում։
Աշխատանքային վեճերԱշխատանքային վեճեր․ գործատուի շահերի պաշտպանություն ռազմավարության և դատական ներկայացուցչության միջոցովՄանրամասն
Մենք խորհրդատվություն ենք տրամադրել և ներկայացրել գործատուներին աշխատանքային հարաբերությունների դադարեցման, կարգապահական ընթացակարգերի, ներքին կանոնների ենթադրյալ խախտումների և դատական աշխատանքային վեճերի հարցերով։ Մեր փորձը համադրում է անձնակազմի կառավարման գործնական մոտեցումները Հայաստանի աշխատանքային օրենսդրության և դատական պրակտիկայի մանրակրկիտ իմացության հետ։ Այս աշխատանքի շրջանակում հաճախորդների համար հասել ենք բարենպաստ արդյունքների և ձևավորել աշխատանքային որոշումների ու վեճերի վրա ազդող իրավական և ընթացակարգային հարցերի գործնական պատկերացում։
Գույքային իրավունքներԱվելի քան 5 մլն ԱՄՆ դոլար արժեքով անշարժ գույքի նկատմամբ իրավունքների պաշտպանությունՄանրամասն
Մենք դատարանում ներկայացրել ենք հաճախորդներին գույքային իրավունքների ճանաչման և վերականգնման գործերով՝ բարդ ու վիճարկվող հանգամանքներում։ Դատական ներկայացուցչության և նպատակային իրավական ռազմավարությունների միջոցով աջակցել ենք ընդհանուր առմամբ ավելի քան 5 մլն ԱՄՆ դոլար արժողությամբ անշարժ գույքի նկատմամբ սեփականության իրավունքների հաստատմանը։ Այս գործերը կապված էին նշանակալի ակտիվների պաշտպանության և երկար ժամանակ չլուծված գույքային խնդիրների կարգավորման հետ՝ արտացոլելով վիճարկվող կամ դժվար հաստատվող սեփականության իրավունքների վերաբերյալ պահանջների ներկայացման մեր փորձը։
Հարկային և մաքսային վեճերՄիլիոնավոր դրամների հարկային և մաքսային տուգանքների վիճարկումՄանրամասն
Մենք հաջողությամբ ներկայացրել ենք ընկերություններին հարկային և մաքսային մարմինների նշանակած տուգանքների վիճարկման վարչական վեճերում։ Մեր աշխատանքը հաճախորդների համար ապահովել է բարենպաստ արդյունքներ՝ զգալի ֆինանսական պահանջների, այդ թվում՝ միլիոնավոր ՀՀ դրամ կազմող տուգանքների վիճարկման գործերով։ Այս գործերն արտացոլում են վարչական պատժամիջոցների իրավական հիմքերի ուսումնասիրության, մարմինների դիրքորոշումների թերությունների բացահայտման և բիզնեսն անհիմն ֆինանսական պարտավորություններից պաշտպանելու մեր փորձը։
Մտավոր սեփականությունԱպրանքային նշանների և արդյունաբերական նմուշների տասնյակ գրանցումներՄանրամասն
Մենք վարել ենք ապրանքային նշանների և արդյունաբերական նմուշների գրանցման տասնյակ գործեր՝ օգնելով հաճախորդներին իրավական պաշտպանություն ապահովել իրենց ապրանքային նշանների և արդյունաբերական նմուշների համար։ Այս փորձը գործնական պատկերացում է տվել բիզնեսի զարգացման մեջ մտավոր սեփականության պաշտպանության դերի և ապրանքներն ու ծառայությունները շուկա հանելիս ու ընդլայնելիս անհրաժեշտ իրավական պաշտպանության միջոցների կարևորության մասին։
Կորպորատիվ վերակազմակերպումԿորպորատիվ վերակազմակերպում՝ ներդրումների պաշտպանության և աճի համարՄանրամասն
Մենք աջակցել ենք ընկերությունների հիմնադրման, ֆիրմային անվանումների և հիմնադիր փաստաթղթերի փոփոխության, կորպորատիվ կառավարման և բարդ վերակազմակերպումների հարցերով՝ ներառյալ միաձուլումները, միացումները, բաժանումները և առանձնացումները։ Մեր աշխատանքը միտված է եղել կորպորատիվ և գործարքային ռիսկերի կարգավորմանը, ներդրումային որոշումների իրավական ուղեկցմանը և կառուցվածքային փոփոխությունների պլանավորված ու իրավաչափ իրականացմանը։ Այս հանձնարարություններն ամրապնդել են կորպորատիվ կառուցվածքները բիզնեսի նպատակներին համապատասխանեցնելու և ներդրումային ռիսկերը կորպորատիվ ու պայմանագրային համապատասխան գործիքներով կառավարելու մեր փորձը։
Մեր մոտեցումը ◇
Ինչու ընտրել LEGASAFE-ը
Իրավաբանական խորհրդատվությունը պետք է արտացոլի ինչպես օրենքի պահանջները, այնպես էլ Ձեր բիզնեսի հիմքում ընկած որոշումները: LEGASAFE-ը առաջարկում է գործնական աջակցություն՝ հարմարեցված Ձեր իրավիճակին, առաջնահերթություններին ու նպատակներին:
Փորձառություն Հայաստանի իրավական դաշտում
Հայաստանի Հանրապետության իրավական և օրենսդրական շրջանակներում հիմնված խորհրդատվություն՝ բիզնեսի և ֆիզիկական անձանց փոխկապակցված իրավական հարցերի լայն շրջանակի վերաբերյալ։
Համալիր և անհատական լուծումներ
Համակարգված աջակցություն՝ պայմանագրերից և իրավական ուսումնասիրությունից մինչև վերակազմակերպում, գրանցում և վեճերի լուծում՝ հարմարեցված յուրաքանչյուր գործի առանձնահատկություններին։
Նախաձեռնողական և ռազմավարական մոտեցում
Իրավական ռիսկերի վաղ բացահայտում և գործնական խորհրդատվություն՝ հնարավոր խնդիրները դրանց խորացումից առաջ կանխելու և արդյունավետ լուծումներ գտնելու համար։
Հաճախորդակենտրոն իրավական աջակցություն
Խորհրդատվություն, որը հաշվի է առնում Ձեր բիզնեսի, ոլորտի և նպատակների առանձնահատկությունները՝ ամրապնդված հստակ ու թափանցիկ հաղորդակցությամբ:
Վեճերի լուծում և դատական ներկայացուցչություն
Բանակցություններ, նախադատական խորհրդատվություն և ներկայացուցչություն քաղաքացիական, վարչական և սնանկության գործերով։
Իրավական ընթացակարգերի ուղեկցում
Աջակցություն գրանցումների, համաձայնեցումների և օրենսդրական պահանջների պահպանման համար անհրաժեշտ փաստաթղթերի պատրաստմանն ու ընթացակարգերի իրականացմանը։
Տեղական փորձառություն: Միջազգային տեսլական:
Հայաստանի Հանրապետության օրենսդրության իմացություն և կիրառում՝ տեղական իրավական հարցերի, անդրսահմանային պայմանագրերի, ներդրումային ծրագրերի և մտավոր սեփականության հետ կապված հարցերի իրավական ուղեկցման նպատակով։
Ճշգրտություն և մասնագիտական մոտեցում
Մանրակրկիտ ուշադրություն իրավական փաստաթղթերին, վերլուծությանը և հաճախորդների իրավական ու առևտրային շահերի պաշտպանությանը։
Մեր մասին ◇
LEGASAFE-ի մասին
Հիմնադիր և գլխավոր իրավախորհրդատու
Շուշանիկ Թադևոսյան
LinkedIn-ի անձնական էջ«Լեգասեյֆ Քոնսալթինգ» ընկերության հիմնադիր, փաստաբան Շուշանիկ Թադևոսյանն ունի գործարար և կորպորատիվ իրավունքի, առևտրային պայմանագրերի մշակման և բանակցությունների վարման, աշխատանքային իրավունքի, ինչպես նաև բարդ վեճերի և դատական գործերի վարման ոլորտներում իրավաբանական խորհրդատվություն տրամադրելու հարուստ փորձ։
Մասնագիտական իրավական գիտելիքները և փորձը համադրելով հաճախորդի առևտրային շահերի վրա հիմնված իր մոտեցման հետ՝ Թադևոսյանը ռազմավարական և գործնական իրավաբանական խորհրդատվություն է տրամադրում հայաստանյան ընկերություններին, ինչպես նաև այն միջազգային ընկերություններին, որոնք պլանավորում են Հայաստանում գործունեություն սկսել կամ արդեն ունեն գործող միավորներ:
Շուշանիկ Թադևոսյանի ղեկավարությամբ «Լեգասեյֆ Քոնսալթինգ»-ի իրավաբանական թիմը տրամադրում է հաճախորդների կարիքներին և առանձնահատկություններին հարմարեցված իրավաբանական լուծումներ՝ ուղղված նրանց շահերի պաշտպանությանը, իրավական և առևտրային ռիսկերի նվազեցմանը և գործարար նպատակների իրականացմանը։
Մեր մոտեցումը՝ Միջազգային չափանիշներ։ Հայաստանի Հանրապետության օրենսդրության խորքային իմացություն։ Միջազգային չափանիշներ։ Հայաստանյան իրավական փորձառություն։
LEGASAFE Consulting-ը Հայաստանում գործող իրավաբանական խորհրդատվական ընկերություն է, որը ռազմավարական իրավական խորհրդատվություն և ներկայացուցչություն է տրամադրում Հայաստանում ու միջազգային շուկաներում գործունեություն ծավալող բիզնեսներին։ Մենք հիմնականում համագործակցում ենք միջազգային ընկերությունների, օտարերկրյա ներդրողների և օտարերկրյա բաժնեմասնակցությամբ հայկական ընկերությունների հետ՝ համադրելով Հայաստանի իրավական միջավայրի և միջազգային ուղղվածություն ունեցող բիզնեսների ակնկալիքների գործնական իմացությունը։
Ավելի քան 15 տարվա մասնագիտական իրավաբանական փորձով մենք օգնում ենք հաճախորդներին լուծել բարդ իրավական հարցերը, պաշտպանել առևտրային շահերը, կառավարել ռիսկերը և ընդունել հիմնավորված բիզնես որոշումներ։ Եվրոպական միությունից, ԱՄՆ-ից և Կանադայից բաժնետերեր ու ներդրողներ ունեցող ընկերությունների հետ աշխատանքը ձևավորել է խորքային պատկերացում այն խնդիրների մասին, որոնք առաջանում են միջազգային բիզնես պրակտիկայի և տեղական օրենսդրական պահանջների բախման արդյունքում։
Մեր աշխատանքն առաջնորդվում է հստակ սկզբունքով՝ իրավական խորհրդատվությունը պետք է ոչ միայն ապահովի օրենսդրության պահանջների պահպանումը, այլև օգնի բիզնեսին վստահ գործել, պաշտպանել իր շահերը և նպաստել կայուն զարգացմանը։
Մենք համադրում ենք Հայաստանի օրենսդրության իմացությունը, գործնական փորձը և միջազգային բիզնես գործելակերպի ըմբռնումը՝ իրական գործարար միջավայրում կիրառելի իրավական լուծումներ մշակելու համար։
Մենք գիտակցում ենք, որ Հայաստանում գործող միջազգային ընկերություններին կարող է անհրաժեշտ լինել տեղական իրավական պահանջներին հարմարեցնել կորպորատիվ քաղաքականությունները, աշխատանքային գործելակերպը, կառավարման կառուցվածքները և պայմանագրային պայմանավորվածությունները։ Տիպային լուծումները մեխանիկորեն կիրառելու փոխարեն յուրաքանչյուր հարց գնահատում ենք իր իրավական և առևտրային համատեքստում՝ մոտեցումը հարմարեցնելով հաճախորդի նպատակներին։
Մեր փորձն ընդգրկում է ռիսկերի կանխարգելմանն ուղղված իրավական խորհրդատվությունը, կորպորատիվ և առևտրային գործարքները, իրավական կարգավորման հարցերը, բանակցություններն ու բարդ դատական վեճերը։ Սա հնարավորություն է տալիս հաշվի առնել ոչ միայն անմիջական իրավական հարցը, այլև դրա հնարավոր առևտրային հետևանքները, ապագա վեճերի ռիսկերը և առաջարկվող լուծման գործնական իրագործելիությունը։
Մենք համոզված ենք, որ արդյունավետ իրավական աջակցությունը հիմնվում է հստակ հաղորդակցության, հիմնավորված իրավական փաստարկների, հաճախորդի բիզնեսի առանձնահատկությունների խորքային ըմբռնման և նրա շահերը պաշտպանելու հանձնառության վրա։
Ում հետ ենք աշխատում
Մենք հիմնականում աջակցում ենք՝
Միջազգային ընկերություններին, որոնք մուտք են գործում հայկական շուկա կամ կառավարում են Հայաստանում արդեն գործող իրենց բիզնեսը։
Օտարերկրյա ներդրողներին և միջազգային մասնակիցներին կամ բաժնետերերին,որոնք ցանկանում են հիմնել, կառուցակարգել, զարգացնել կամ պաշտպանել իրենց ներդրումները։
Միջազգային մասնակցությամբ հայկական ընկերություններին, որոնք պետք է տեղական գործունեությունը համապատասխանեցնեն միջազգային կորպորատիվ քաղաքականություններին և բիզնես գործելակերպին։
Կայացած և զարգացող ընկերություններին,որոնց անհրաժեշտ է հուսալի իրավական աջակցություն ընթացիկ գործունեության, գործարքների, իրավական կարգավորման կամ վեճերի լուծման ընթացքում։
Եվրոպական միության, ԱՄՆ-ի և Կանադայի հետ կապված բիզնեսների հետ մեր աշխատանքը օգնում է հասկանալ հստակ հաշվետվողականության, կանխատեսելի իրավական գործընթացների, ռիսկերի արդյունավետ կառավարման և այնպիսի լուծումների կարևորությունը, որոնք հաշվի են առնում ինչպես տեղական օրենսդրության պահանջները, այնպես էլ միջազգային բիզնեսի ակնկալիքները։